Á ráðstefnu SASS um skipulagmál sem haldin var á Hellu þann 25. mars 2015, var leitast við að draga fram megin áskoranir í byggðaþróun á Suðurlandi, auka skilning á sameiginlegum skipulagsmálum og hvernig megi takast á við þau í sameiningu, Suðurlandi til sóknar. Spurt var:
Er svæðisskipulag leið til betri framtíðar á Suðurlandi?
Hverju gæti sameiginleg sýn á skipulagsmál á Suðurlandi, eða tiltekin svæði innan þess, skilað fyrir byggðaþróun og þannig stutt við sóknaráætlun svæðisins?
Til að varpa ljósi á þessar spurningar voru flutt eftirfarandi erindi á ráðstefnunni:
Svæðisskipulag – verkfæri við byggðaþróun - Matthildur Kr. Elmarsdóttir, skipulagsráðgjafi hjá Alta.
Suðurnesin sem skipulagsheild – Róbert Ragnarsson, bæjarstjóri Grindavík.
Skipulagsmál í Kötlu Geopark –- Anton Kári Halldórsson, skipulagsfulltrúi í Rangárþingi eystra.
Skipulag orkumála – Guðjón Bragason, lögfræðingur Sambands íslenskra sveitarfélaga.
Skipulag ferðaþjónustu – Pétur Ingi Haraldsson, skipulagsfulltrúi uppsveita Árnessýslu.
Rammaskipulag Suðurhálendis – Gísli Gíslason, landslagsarkitekt hjá Steinsholti.
Skipulag haf- og strandsvæða – Hafdís Hafliðadóttir, sviðsstjóri hjá Skipulagsstofnun.
Að fyrirlestrum loknum voru hópaumræður um þrjú þemu: Auðlindir, ferðamál og miðhálendið. Hér má sjá samantekt með helstu skilaboðum úr umræðunni.
Í framhaldi af ráðstefnunni var ákveðið að vinna sameiginlega verkefnisáætlun sveitarfélaganna um afmörkun og umfang þessa verkefnis. Hér má sjá afurðir þess verkefnis.