Umhverfis- og auðlindamálin í brennidepli á samráðsfundum í Vík og á Flúðum í gær

Í gær voru haldnir tveir af sjö samráðsfundum SASS á Suðurlandi til undirbúnings umhverfis- og auðlindastefnu fyrir landshlutann. Fyrri fundurinn fór fram í Vík og sá seinni á Flúðum.

Fundirnir tókust vel og sköpuðust góðar umræður um brýn mál sem leysa þarf á sviði umhverfis- og auðlindamála. Staðirnir tveir eiga ýmislegt sameiginlegt, en einnig komu fram ýmis viðfangsefni sem komu á óvart og verður fróðlegt að sjá hvernig endanleg útkoma verður. Næsti fundur verður á Hvolsvelli þann 11. september klukkan 16.00 og þann 12. september verða fundir í Vestmannaeyjum og á Kirkjubæjarklaustri.